Friday May 25th, 2018
Burcoonline
Free one
Xayeeysiis
SOM Cable
Japan

Shaydaanka siyaasadda

0
Friday June 16, 2017 - 09:56:43 in Maqaallo by Shaqaalaha Burcoonline News
  • Visits: 283
  • (Rating 0.0/5 Stars) Total Votes: 0
  • 0 0
  • Share via Social Media

    Shaydaanka siyaasadda

    Markii Ibleys uu ka hinaasay Aadan ee uu diidey inuu u sujuudo dabadeedna naxariistii Eebbe laga xayuubiyey, dhaar wuxu ku maray inuu ilma Aadan weerar dhan

    Share on Twitter Share on facebook Share on Digg Share on Stumbleupon Share on Delicious Share on Google Plus

Markii Ibleys uu ka hinaasay Aadan ee uu diidey inuu u sujuudo dabadeedna naxariistii Eebbe laga xayuubiyey, dhaar wuxu ku maray inuu ilma Aadan weerar dhan

Ramadaan wanaagsan

Markii Ibleys uu ka hinaasay Aadan ee uu diidey inuu u sujuudo dabadeedna naxariistii Eebbe laga xayuubiyey, dhaar wuxu ku maray inuu ilma Aadan weerar dhan walba ah uu ku soo qaadi doono. Weerarkii ugu horreeyey jannaduu kaga saaray lammaanihii caasi garrobey ee Aadan iyo Xaawa.

Murtidan quraanka ku xusan waxa ilaahay dadka inta caqliga leh ugu muujinayaa sida dhaqanka ibleysku dadkana ugu abuuran yahay sida collaytinka, hinaasaha, jidh diidka, u quudhiwaaga, islaweynida iyo qaar kaloo badan.

Muddo aan aad usii fogeyn bay ahayd markii madaxweyne Xaaji Ahmed Mohamed uu usoo bandhigay xubnaha dowladdiisa aragti ahayd inuu jeclaan lahaa inay u cimaamadaan Muuse Biixi oo codka golaha dhexe u hibeeyaan si uu madaxtimada dalka ugu tartamo balse waxa kaloo uu sheegay in qof waliba xor u yahay cidduu codka siinayo. Arrinkaasi wuxu dibadda soo dhigay gungumayaal, halaqyo iyo abeesooyin in badan madaxweyne Xaaji Ahmed uu dhabta ku haystey. Dhammaanteed kooxdaasi waxay isku raacday inay codsigii madaxweynaha diiddo islamarkaana ay is wada casilaan si dawladnimadu u wiiqanto. Kooxdan oo tiraddoodu badnayd waxa walaaleeyey hal qodob oo ah "colaadday u qabeen Muuse Biixi.” Anigu ammaanina maayo Muusi biixi dhaliilina maayo balse waxan ku dhaafayaa inuu yahay dhalad in la doorto geya.

Sir ma qabe allow sahanee Xaaji Ahmed dabinkii la maleegey wuxu kaga badbaadiyey dalka ilhaan xagga alle ka timi oo wuxu saq dhexe tusbaxa u rogey magacaabidda wasiirro iyo agaasimayaal cusub isagoo aad mooddo inuu ku luuqaynayo:

"Marka ay dibbootee

Nin hagraday ka dayrshee

Dugsi looga leexdaan

Daba geli aqaannaa

Markay ciinka daaqdaan

dabka ugu xiddigiyaa

Nin dumaala baan ahay

Degel fule ka barakacay

Maalintay u daran tahay

Nin ku diirsadaan ahay ” Xigasho: Maansadii Daalalley, Hadraawi

 

Akhristoow dib u milicso araarta aynnu qormada ku ballaysinnay. Dhuux dhaqannada shaydaanka iyo ibtilada uu aadmiga dhaxalsiiyo. Lama arko shaydaanka balse wuxu adeegsadaa Aadmiga qaarkii. Anigoon waxyaabaha qaarkood saafayn ee dusha ka saraya, waxay qaar ka mid ah kooxdii dowladda ka fallaagowdey wacad ku mareen, cadho iyo hinaase ay Muuse Biixi u qabaan awgeed, in wax kastoo ay ku qaadato ay weerar ku qaadayaan taageerayaasha Muuse. Ma xuma oo damacu dadkuun buu dhex yaallaa balse waxa arrintani dhalisay xaajo ugub oo ah in reeraha lakala jebiyo oo colaad iyo is nacayb uu tartan iyo xafiiltan aabbe u yahay la dhex dhigo. Tani waa dhaqanka ibleyska oo kala qaybinta iyo isku dirku hub u yahay. Qofku xisbiguu doonuu geli karaa balse kala jabka beel ama reer ku yimaaddaa waa burbur dalkoo dhan ku yimi.

Fallaagadani waxay adeegsatey dadka intii ugu mabda’a xumayd iyagoo hub iyo saanad uga dhigay shirar dadka isma hurtada ah laysakaga horkeenayo si loo wiiqo codkooda. Ilaahay wuxu quraankiisa ku yidhi "Wactasimuu bi xablillaahi jamiican walaa tafrraquu ------ ". Qofka u guntada kala firdhinta ummadeed ama beeleed si uu damiciisa ugu gaadho xisaabtiisu ilaahay bay ag taallaa.

 

Waxa igu maqaala ah ninkii caanka ahaa ee Michal Marian ama Maykal Maryama ee ree Somaliland u dhashay in berigii xornima doonkii markuu furtay xisbigii NUF uu beeshii guud ee uu ka dhashay ay qaybsantay oo qaybina tidhi xamar baanu qabanaynaa qola yaroo uu ka mid ahaana tidhi xamar dooni maynno. Maykal oo ahaa nin aad u fariid ah oo aad u il dheer ayaa go’aansaday inuu kooxdiisii ku qanciyo inay ka tanaasulaan aragtidoodii oo la taageero in xamar iyo koonfur la qabto oo uu markii hore kasoo hor jeedey dabadeedna waxa la wetdiiye sababta ku kelliftey taas waxaanu ku jawaabey hadal mahadha ah oo ahaa:

"Kala qaybsanaanta Reer waqooyi (Somaliland) waxa igaga weyn kala qaybsanaanta tolkay mana doonayo in beeshayda iyo tolkay burburo”

Nuxurka qoraalkan gaabani wuxu yahay " yaan siyaasad laga dhigan weerar lagu qaado beelaha qaar si loo kala daadiyo reeruhuna ha feejignaadeen oo hayska ilaaliyeen Shaydaanka siyaasadda ee loo igmaday kala firdhintooda. Dhiiggiinnaa la kicinayaa, xiniinyihiinnaa la shidayaa, Nin Nin kale la colloobey baa hub uu ku danaysto ka dhiganaya aayihiinna. Jifo iyo jilib hoose iyo xigaal hadhuubka mar wada cantuuga oo hiil iyo hooba wadaaga ayuu shaydaanku khilaaf iyo kala shaki ku soo dhex maguujinayaa.

Weligiin hakala tegina ee sida QUDHAANJADA is daba socda taasaa Sharaf ku yeelanaysaane.

 

Qalinkii: Cismaan Nuur Khaan

tiraabe@hotmail.com

 

 




Bidvertise..


Leave a comment

  Tip

  Tip

  Tip

  Tip

  Tip


Daawo: Full Barnaamij Beelaha Axmed Faarax Iiidle Biciide Iyo Baho Oo Kamida Beesha Biciide Oo Xabad Joojin Ku Dhawaaqay Iyaga Oo Nabadna Qaatay Geesta Kalena Madaxweyne Biixi Ayay Ka Codsadeen Inuu Soo Daayo Boqor Buurmadaw
Halkan Ka Daawo:Goobaha Loo Dalxiiska Tago Ee Gobolka Togdheer"Warbixin"
Halkan Ka Daawo: FULL Barnaamij Ku Saabsan Wareysi Xiiso Badan oo Lala Yeeshay Wasiirki Hore ee Madaxtooyada Somaliland Md Maxamoud Xaashi Cabdi Isago Arrimo Badan oo Xasaasiya Ka Hadlay
Halkan Ka Daawo : Shirkada Dahabshiil Laanteeda Ireland Caasimada Dablin Oo Munaasibad Abaal Marino Ku Gudoonsiisay Macaamiisheda Wadankaa Iyada Oo Casho Sharafna U Samaysay Shirkadu Macaamisha
Halkan Ka Daawo: FULL Barnaamij Ku Saabsan Beelaha Habar jeclo ee Bariga Berbera oo Digniin Culus Uu Diray Maayirka Berbera Isago Si Qabyaaladaysan Dagaal Ugula Jira Degaanada Habar jeclo Farahana Kula Jira Kiiski Taliye Caseyr
Halkan Ka Daawo:Magaalada Burco Oo Laga Sameeyey Beero Waaweyn Iyo Noocyada Dalagyada Kasoo Baxa,Warbixin Xiiso Badan
Halkan Ka Daawo:Warbixin Xiiso Badan Oo Laga Diyaariyay Faa'dooyinka Cunto Waddaniga, Goobaha Lagu Iibiyo Oo Kusoo Badanaya Suuqyada & Shacabka Oo Loogu Baaqey Inay Isticmaalan.
Halkan Ka Daawo:Xildhbaan Nuux Maxamed Xusen Iyo Cuqaasha ,Waxgaradka Degaanka Xayira Oo Xukuumada Somaliland Ugu Baaqay In Ay Dhamaystirto Dhismaha Iskuulka Boodhinka Ee C/laahi Cali Suufi
Halkan Ka Daawo: Doodi Xalay FULL Sadexda Musharax ee Xisbiyada Qaranka ee KULMIYE UCID IYO WADDANI Xalay Ku Qabteen Hargeisa ( CATCH UP)
Halkan Ka Daawo: Barnaamij Xiiso Badan Horumarka Iyo Waxqabadka Xukummada Madaxweyne Axmed Silaanyo Ka Sameeyay Gobolka Saraar Iyo Degaanada Hoos Yimaada
WAREYSIYO