Saturday October 21st, 2017
Burcoonline
Telesom
freee space
Somali Flags
eurosomtravel.com/

Maxaanay Sax u ahayn In uu Kornayl Muuse Madaxwayne Noqdo? M. Haaruun – 6 Aug, 2017.

0
Wednesday August 09, 2017 - 10:24:40 in Maqaallo by Wariye Tiriko
  • Visits: 92
  • (Rating 0.0/5 Stars) Total Votes: 0
  • 0 0
  • Share via Social Media

    Maxaanay Sax u ahayn In uu Kornayl Muuse Madaxwayne Noqdo? M. Haaruun – 6 Aug, 2017.

    Maxaanay Sax u ahayn In uu Kornayl Muuse Madaxwayne Noqdo? M. Haaruun – 6 Aug, 2017.

    Share on Twitter Share on facebook Share on Digg Share on Stumbleupon Share on Delicious Share on Google Plus

Maxaanay Sax u ahayn In uu Kornayl Muuse Madaxwayne Noqdo? M. Haaruun – 6 Aug, 2017.
Su’aasha ah: sababta aanay sax u ahayn in uu Kornayl Biixi noqdo
madaxwayne Qaran, qayb ahaan waxa shalay ka jawaabay
Ismaaciil Aadan, waa uu se xanaaqay, xanaaqu na waa khatar oo
doodda saxda ah ayaa uu hadhayn karaa. Ismaaciil hadalkii uu
shalay sheegay, iyo midkii dhawr maalmood ka hor uu ka sheegay
Alay-Baday, waxa ku jiray laba qodob oo dood-siyaasadeed hufan
ah, oo aanay Kulmiye jawaab u haynin, una heli Karin haba
yaraatee. Shalay waxa uu xoogga saaray qadiyadda muhiimka ah
ee hufnaanta oo uu Kornaylku meel madhan ka joogo. Waxa uu
sheegay intaas oo kiis dhul boob ah, oo Kornaylku ku lug leeyahay,
oo la wada ogyahay, dadkii lahaa na uu magacdooda xaadiriyay.
Waxa uu keenay su’asha ah – Kornaylku ma shaqaysanin, dhulal iyo
guryo ciidda ka badan na waa leeyahay ee xagee ka keenay? Car ha
la helo cid u ab tirisa oo doodda dhulboobka iyo guryaha ka
jawaabta! Xaasha iyo tu aan dhacaynin weeye. Isaga oo aan awood
dawladeed oo toos ah gacanta ku haynin hadii uu Kornaylku boobka
intaas leeg sameeyay, oo maantadan iyo saacaddan uu boobkii
haysto, oo aanu iska celinin, xaalna ka bixinin, muxuu samayn kara
hadii uu talada wadddanka gacanta ku dhigo?
Su’aashaas ayaa meesha taala oo aanay Kulmiye doonaynin in la is
waydiiyo, maxaa yeelay jawaab ma u hayaan! Waa doodii shalay
taasi. Maalintii hore na waxa uu Ismaaciil ku dooday in aanay
Kornaylka cidina qaban Karin, sharci iyo shakhsi toona, sidaas
darted na aan talo umadeed lagu aamini Karin, tusaalayaal na waa
uu keenay. Waxa uu sheegay in Kornaylku uu meel madhan ka
joogo mabaadiida talo wadaagga iyo ra’I isu gayn-gaynta, sidaas
darteedna aanay ahayn in talo loo dhiibto. Waa dood hufan, oo aad
u hufan oo siyaasadeed, aanay se Reer-Kulmiye doonaynin in ay ka
jawaabaan. Kornaylku maanta ma dhalanin, dadku na waa is
yaqaanaa, intan uu Ismaaciil sheegay na, waa boqolkii hal uun ka
mid ah masiibooyinka Kornaylku jjiidanaayo ee ciidda ka badan, oo
qaar ka mid ah na uu hore u sheegay Cali-guray. Sidaas oo ay
tahay, Ismaaciil waa uu xanaaqay, isaga oo gar leh in uu xanaaqo
na ma ahayn. Maahmaah Soomaaliyeed baa ah, "Nin gar leh oo
cadhooday, iyo nin middi haysta oo margaday midkoodna
garawshiiyo ma laha.” Ninka garta lihi waa in uu gartiisa oogta ka
cadeeyo uun, ninka midida haystaa na waa in uu hilbaha iska
yaryareeyo si aanu ugu marganin, hadii ay sidaas samayn waayaan
na, wixii ka qaldama loogu garaabi maayo midkoodna.


Ismaaciil xanaaqii waxa uu ka keenay in uu golaha ka sheego
naanaysta uu lahaan jiray odaygii Kornaylka awawga u ahaa,
keligiis na ma aha ee qoraal iyo aftiba iyada oo fagaarayaal kala
duwan lagaga sheegayo waa la kulmaa. Mar kastaba, hadda iyo
hadeerba, anigu arintaas waa ka soo hor jeedaa. Eeg, hadii loo
jeedo dood siyaasi ah, meesha foolxumooyin tiro badan ayaa yaalla
oo ay tahay in la soo ban dhigo. Kornaylku dhaliilo aanay cid kale
ba lahayn, oo wax na uu ka dhaxlay Kulmiye, waxna uu isagu
shakhsi ahaan u leeyahay, oo kuwan Ismaaciil sheegayaa ka mid
yihiin ayaa u buuxa. Ma dareemi karo sabab loogu baahanyahay soo
hadal qaadka oday noolaa ugu yaran boqol sano ka hor. Kornaylka
siyaasi ahaan ayaa aan isu haynaa, waxa aanan leenahay, kolka la
eego sababaha ciidda ka badan ee banaanka yaalla, ee wada runta
ah, ee xataa isaga qudhiisu aanu iska difaaci karrin, ninkani ma aha
shakhsi sinaba ugu haboon hogaamin umadeed. Taas weeyaan
dooddu, wixii dooddaas siyaasiga ah ka baxsani na waa debedda.
Waxyaabaha ay dimuquraadiyaddu ku wacantahay ayaa ay ka mid
tahay in la shiilo, oo ubucdiisa banaanka la soo dhigo qofka talada
umadda doonaaya. Qofkii taas og, ee xaalkiisa na og, ee hadana
indho adayg awgii umadda isu soo hor taaga na, bulshada ayaa la
tusayaa. Somaliland-neey Muuse waa kaas ayaa la odhanayaa,
cayna ma aha, hadii ay isaga ku koobantahay. Kornaylka waa u
furantahay in uu tartanka ka baxo maxaa yeelay doodaha la
keenaayo in badan oo ka mid ah ayaa ka joogsan doonta, laakiin
dhulalka dadkii lahaa joogaan ka mid ma aha dooddaha
joogsanaaya.
W.Q: M. Haaruun – mbiixi@gmail.com
Bidvertise..


Leave a comment

  Tip

  Tip

  Tip

  Tip

  Tip


Halkan Ka Daawo: Doodi Xalay FULL Sadexda Musharax ee Xisbiyada Qaranka ee KULMIYE UCID IYO WADDANI Xalay Ku Qabteen Hargeisa ( CATCH UP)
Halkan Ka Daawo: Barnaamij Xiiso Badan Horumarka Iyo Waxqabadka Xukummada Madaxweyne Axmed Silaanyo Ka Sameeyay Gobolka Saraar Iyo Degaanada Hoos Yimaada
Halkan Ka Daawo: Barnaamij FULL Waxqabadka Iyo Horumarka Xukummada Madaxweyne Axmed Silaanyo Ka Geysatay Gobolka Togdheer Intii ay Xilka Haysay 2010-2017
Halkan Ka Daawo: Madaxdhaqameedka Beelaha Subeer Awal Iyo Habar jeclo oo Isko Raacay Siyaasada Somaliland Iyo In Kursiga La Saaro Musharax Muse Biixi Cabdi
Halkan Ka Daawo: Abwaanka Weyn ee CADAAWE oo Gabay Cusub Soo Saaray Loogu Magac Daray BLACK ADAM Iyo Muranka Weyn ee Ka Dhex Taagan Beesha Adan Madoobe
Halkan Ka Daawo:Siraad Nuux Cawaale Oo Maanta Si Rasmiya Ugu Wareejisay Guuri Cusub Oo Loo Dhiisay Qoyskii U Iska Del Delay Marxuum Qaasim Yusuf Axmed Iyo Deeq Lacagana Gudoonsisay Qoyskaasi
Halkan Ka Daawo: Wasiirul Dawlaha Caafimaadka Somaliland Md Maxmaoud Galaal oo Ku Boriyay Dadweynaha Ku Dhaqan Degaanka KARIN Inay Qaatan Kaadhka Cod Baxinta+ Kabahana La Dul Maray Xisbiga WADDANI Iyo BallanQaadka Beenta Askarta Loo Sameeyay
Halkan Ka Daawo EXCLUSIVE AH: Wareysi Xiiso Badan oo Tariikhiya oo Laga Qaaday Siyaasigi Weyne ee Micheal Maryamo 1963
Halkan Ka Daawo: Jiilayaasha Caanka ah ee SOORAN IYO JAWAAN oo Riwaayadi Ugu Qosolka Badanyd Soo Saaray ee Ku Saabsan Ummada Facebook Iyo Internetka Ku Wada Maqan
Halkan Ka Daawo: Hotel Casriyah ah Iyo Restuaranka Nasteexo Hotel and Restaurant oo Xadhiga Laga Jaray Magaalada BURCO
WAREYSIYO