Sunday February 18th, 2018
Burcoonline
Free one
Xayeeysiis
Somali Flags
Japan

Maxaa Cashar laga baran karaa Tartankii Doorashada Madaxtooyada 2017 ?? Waa dabciga dimuqraadiyada in bulshadu qeybsanto xilliga ololaha doorashada (campaign season ).

0
Monday December 04, 2017 - 09:29:56 in Maqaallo by Wariye Tiriko
  • Visits: 132
  • (Rating 0.0/5 Stars) Total Votes: 0
  • 0 0
  • Share via Social Media

    Maxaa Cashar laga baran karaa Tartankii Doorashada Madaxtooyada 2017 ?? Waa dabciga dimuqraadiyada in bulshadu qeybsanto xilliga ololaha doorashada (campaign season ).

    Maxaa Cashar laga baran karaa Tartankii Doorashada Madaxtooyada 2017 ?? Waa dabciga dimuqraadiyada in bulshadu qeybsanto xilliga ololaha doorashada (campaign season ).

    Share on Twitter Share on facebook Share on Digg Share on Stumbleupon Share on Delicious Share on Google Plus

Maxaa Cashar laga baran karaa Tartankii Doorashada Madaxtooyada 2017 ?? Waa dabciga dimuqraadiyada in bulshadu qeybsanto xilliga ololaha doorashada (campaign season ).
Waa wax ilaahay loogu mahadiyo ah in aynu haysanno nabad iyo xasilooni aanayhaysan dalal badan oo jaarkeenna ah, iyo Dimuqraadiyad aynu kaga tashanno Aayaheenna oo aan ku soo xulan karno Madaxda Hoggaanka Dalka, taas oo aanay haysan waddammo badan oo qaaraddeenna ama adduunka saddexaad ka mid ahi.
 
13 November 2017, waxa inoo qabsoontay doorasho taariikhi oo xambaarsanayd qodobbo muhiim ah: -in Markii ugu horreysay somaliland la iska diiwangeliyo, laga ololeeyey lagana codeeyo dhul aanay hore doorashado uga dhici jirin. - in Markii ugu horreysay Madaxtooyada uu isu soo taago murashax ka soo jeeda Gobolada Bari oo uu Xisbiga UCID Madaxweyne ku-xigeen uga tartamo.
- lagu codeeyo Hannaan casri ah oo aan lagu noq-noqon karin codeynta. - iyo ugu dambeyn iyadoo si Nabadgelyo ah inoogu dhacday. Waxa Xusid mudan in Cadowga Somaliland ay saadaalinayeen oo ay jeclaayeen in aynu isku dhacno oo iskaga hornimaadno. Waxay lahaayeen "way is dilayaan oo waa lagu kala tegeyaa”. May noqon oo ilaahay kama dhigin".
Rag uu ka dhexeeyo geel,
Hadduu kala geeyo damac,
Waxaa isu gaysa dane,
Allow garansii nin moog!
 
Waxay hilmaansanaayeen Dimuqraadiyada Somaliland in ay tahay mid guun ah (gaamurtay) oo ka soo unkantay ururkii halganka SNM
(oo ahaa Jabhadda Dimuqraadi ah) taasoo ay soo mareen ama iskaga


dambeeyeen 5 guddoomiye oo dhammaantood ku wada yimid qaab doorasho dimuqraadi ah. Doorashadani 2017 waxay noqotay mid indhihii Caalamka soo jiidatay, waxana Somaliland lagu tilmaamay SIRAADKA AFRIKA. Waxayna Somaliland noqotay mid la majeerto oo Role Model u noqon doonta gobolkan aynu ku nool nahay, Afrikana uga muuqata sida UBAX meel abaar ah ka baxay uu u
muuq dheer yahay. Waxaa quruxda doorashada sii bila, Madaxweyne Siilaanyo oo ah (a popular president) oo isagoon doorasho lagaga adkaan, sharciguna u ogol yahay in uu mar labaad sii tartamo uu isgu ikhtiyaarkiisa uga degay xukunka, halka madaxda waddamada qaar kursiga ku dheggan yihiin lagana rogi la’yahay. Runtii qaabkii diiwaan gelinta codbixiyayaasha, hannaankii olalaha doorashada, dooddii Tv-ga ee murashaxiinta iyo habkii codbixinta intuba waxay u dhaceen oo inoogu dhammaadeen jabwi wacan oo ilbaxnimo, bisayl siyaasadeed iyo isu dulqaadasho leh. Kursigu laba ma qaadee mid baa la iska qeybshaa, horaa loo yidhi (Gari laba nin ma wada raacdo) Hase yeeshee go'aankii natiijada codbixinta doorashda waxa saluug ka muujiyey Xisbiga Waddani inkastoo uu markii dambe tanaasulay oo aanu wax dacwad ah u gudbinin Maxkamadda Sare oo iyadu natiijada Rasmiga ahayd ama kama dambaysta ahayd ku dawaaqday. Adoo wax ka gaws qabsaday Mar baa gefka loo liqaa Inaan danta guud murkacan

Waa dabciga dimuqraadiyada in bulshadu qeybsanto xilliga ololaha doorashada (campaign season ). Waxase ugub ahayd oo xummadda iyo xaraaradda doorashada kor u qaaday Madax-dhaqameedkii dhex boodayey ee aadka uga dhex muuqday ololahaha doorashada, kuwaas oo dhabqiyey milligiii iyo macnihii doorashada, muujiyayna sawir ka duwan kii Xisbiyada oo aad mooddaysay in
Qabaa’ilo ay tartamayaan.

 
Waxa habboon wixii khaladaad farsamo ah ee dhacay in guddida doorashooyinka iyo Akadamiyada nabaddu ay ka diyaariyaan Warbixin rasmi si waayo aragnimo iyo cashar looga barto isla markaan xeer looga soo saaro. waxaa la yidhi doqoni meel lagu xafiiltamay in lagu kala tegay mooddaa
(Hiirtaanyo xasuuste walaal ma xidhiidhsho) Ha giijin xadhkaa ha jarin! Ha goyn waxa laysku yahay Magliga gacan loola baxay
Gudaha uma dhaadhacdee Ha gaadhin laftoo ha jabin Afkaagana godob ka dhowr! Haatan iyo gababo waa Mas’uuliyad Wadareed (collective Responsibiliy) in guud ahaan Murashaxiintii, gaar ahaan Madaxweynaha la doortay ka shaqeeyaan wadajirka iyo mideeynta ummadda iyo sidii loo tirtiri lahaa xanaftii iyo xagtimihii tartanka doorashadu keentay. Run ahaantii waa arrin u baahan in si dhab ah ay uga wada-hadlaan isla markaana uga wada-hawlgalaan hoggaamiyayaasha Xisbiyada qaranka. Madaxweynaha cusub waa inuu maanka ku hayaa in kuwii u codeeyey, kuwii ka codeeyey iyo kuwii aan codeyn intaba uu isagu Madaxweyne u yahay.

Gedday tahay dheesha taal
Inuu hebel guul heliyo
Inuu gudbiwaayo hebel
Galaasku halkaa ma yaal
Nimaan garanoow u toos!
Wa billaahi tawfiiq
Somaliland Guul iyo Gobanimo

Cali Xaruuri
Holland
e-mail Adam.32@live.nl
Bidvertise..


Leave a comment

  Tip

  Tip

  Tip

  Tip

  Tip


Halkan Ka Daawo:Magaalada Burco Oo Laga Sameeyey Beero Waaweyn Iyo Noocyada Dalagyada Kasoo Baxa,Warbixin Xiiso Badan
Halkan Ka Daawo:Warbixin Xiiso Badan Oo Laga Diyaariyay Faa'dooyinka Cunto Waddaniga, Goobaha Lagu Iibiyo Oo Kusoo Badanaya Suuqyada & Shacabka Oo Loogu Baaqey Inay Isticmaalan.
Halkan Ka Daawo:Xildhbaan Nuux Maxamed Xusen Iyo Cuqaasha ,Waxgaradka Degaanka Xayira Oo Xukuumada Somaliland Ugu Baaqay In Ay Dhamaystirto Dhismaha Iskuulka Boodhinka Ee C/laahi Cali Suufi
Halkan Ka Daawo: Doodi Xalay FULL Sadexda Musharax ee Xisbiyada Qaranka ee KULMIYE UCID IYO WADDANI Xalay Ku Qabteen Hargeisa ( CATCH UP)
Halkan Ka Daawo: Barnaamij Xiiso Badan Horumarka Iyo Waxqabadka Xukummada Madaxweyne Axmed Silaanyo Ka Sameeyay Gobolka Saraar Iyo Degaanada Hoos Yimaada
Halkan Ka Daawo: Barnaamij FULL Waxqabadka Iyo Horumarka Xukummada Madaxweyne Axmed Silaanyo Ka Geysatay Gobolka Togdheer Intii ay Xilka Haysay 2010-2017
Halkan Ka Daawo: Madaxdhaqameedka Beelaha Subeer Awal Iyo Habar jeclo oo Isko Raacay Siyaasada Somaliland Iyo In Kursiga La Saaro Musharax Muse Biixi Cabdi
Halkan Ka Daawo: Abwaanka Weyn ee CADAAWE oo Gabay Cusub Soo Saaray Loogu Magac Daray BLACK ADAM Iyo Muranka Weyn ee Ka Dhex Taagan Beesha Adan Madoobe
Halkan Ka Daawo:Siraad Nuux Cawaale Oo Maanta Si Rasmiya Ugu Wareejisay Guuri Cusub Oo Loo Dhiisay Qoyskii U Iska Del Delay Marxuum Qaasim Yusuf Axmed Iyo Deeq Lacagana Gudoonsisay Qoyskaasi
Halkan Ka Daawo: Wasiirul Dawlaha Caafimaadka Somaliland Md Maxmaoud Galaal oo Ku Boriyay Dadweynaha Ku Dhaqan Degaanka KARIN Inay Qaatan Kaadhka Cod Baxinta+ Kabahana La Dul Maray Xisbiga WADDANI Iyo BallanQaadka Beenta Askarta Loo Sameeyay
WAREYSIYO