Monday June 21st, 2021
Dahabshiil
Salaama Market
Youtube jobs

XISBIYADA MUCAARIDKU AMA AFEEF HORE HA YEESHAAN AMA ADKAYSI DAMBE !

0
Thursday May 13, 2021 - 11:55:25 in Maqaallo by Wariye Tiriko
  • Visits: 250
  • (Rating 0.0/5 Stars) Total Votes: 0
  • 0 0
  • Share via Social Media

    XISBIYADA MUCAARIDKU AMA AFEEF HORE HA YEESHAAN AMA ADKAYSI DAMBE !

    XISBIYADA MUCAARIDKU AMA AFEEF HORE HA YEESHAAN AMA ADKAYSI DAMBE !

    Share on Twitter Share on facebook Share on Digg Share on Stumbleupon Share on Delicious Share on Google Plus

XISBIYADA MUCAARIDKU AMA AFEEF HORE HA YEESHAAN AMA ADKAYSI DAMBE !
HAWLIHII DOORASHOOYINKA MA WAX BAA LAGA BADELAY MISE DALKII BAA HAL XISBI OO KALIYA ISKU NOQDAY ?

Marka hore waxa aan soo dhaweynayaa in is af garad iyo wada jir qaran lagu waajaho doorashooyinka qaranka oo si bilaa xanaf ah oo xaliiban loo tartamo haseyeeshee doorashada waxa galaya xisbiga xukuumada iyo laba xisbi oo mucaarad ku tilmaaman !


Shalay waxa madaxtooyada jamhuuriyada Somaliland ka qabsoomay shir uu madaxweynuhu isugu yeedhay sadexda xisbi qaran, komishanka doorashooyinka , gudoomiyaha maxkamada sare iyo xeer ilaaliyaha guud.

Shirkaasi waxa la inoo sheegay in wax la isla falanqeeyey laakiin waxa aynu daawanay uun Madaxwaynaha oo warqad u akhriyaya iyo hadal kooban oo la siiyey labada Gudoomiye xisbi ee Waddani iyo Ucid , waxa la galayaana hadda waa doorasho e garo.

XISBIYADA MUCAARIDKU AMA AFEEF HORE HA YEESHAAN AMA ADKAYSI DAMBE !

Doorashooyinka dalka nidaam baa loo gali jirey daah furan oo dadka u garnaqaya dadkana lagu wada kalsoon yahay qaabka ay ku yimaadeena uu yahay mid daah furan oo dhamaan shuruuduhu u dhan yihiin , waxa lagu wada shaqeyn jirey xeerar qoran iyo heshiis ay axsaabta iyo komishanku galaan ( code of conduct ) mudada doorashadu socoto.

Doorashadii golaha wakiilada ee hore markii halkan oo kale la marayey gudoomiyihii komishanka ee xiligaasi Axmed Xaji Cali Cadami iyo axsaabtu waxa la sameeyey gudi adag oo la isla ogol yahay oo ka garnaqda waxii doorashada khilaaf iyo muran ka yimaada gudidaasi waxa ay hoos tageysay komishanka doorashooyinka qaranka , waxaa ay ka koobnaayeen 14 qof ;

Xeerbeegtida kor ka eegista iyo xalinta khilaafaadka ka soo baxa doorashada

1. Hassan Meygaag Samater
2. Dr. Aden Abokor Yusuf
3. Prof. Abdi Haybe Elmi
4. Aden Muse Jibriil
5. Yasin Ibrahim Magan
6. Hussein Ali Nour
7. Hassan Mohamed Jama
8. Rashid Sheikh Abdillahi
9. Abdillahi Haji Ahmed Qulunbe
10. Mohamed Omer Hussein Dhuux
11. Abdillahi Saeed Farah
12. Abdilkadir Ali Hassan
13. Saeed Ali Giir
14. Sacdiya Aw Musse Ahmed

Gudigani waxa farta laga saarey dhamaan xeerarkii iyo xeerkii anshaxa qaabkii loo galayey kaambaynka doorashada si hadhow waxii khilaaf ah ay iyagu u xaliyaan, waxii khilaaf ah ee ay xalin kari waayaana loogu gudbiyo maxkamadaha dalka.

Imika waxa fadhiyey madashii shirkii shalay komishanka oo aynu ogeyn khilaafkii iyo dhibtii la soo kala mutay oo ah in la yeelo sidii madaxweynuhu rabay , waxa kale oo fadhiyey gudoomiyaha maxkamada sare iyo xeer ilaaliyaha guud ee qaranka jamhuuriyada Somaliland oo labaduba uu madaxweynuhu magacaabay , haba magacaabo e arinka meesha yaalay aanu aheyn mid maanta iyaga u yaaley.

Waxa uun ay u muuqataa in axsaabta kalsooni laga sii siinayey hadhowtona waxii murug soo baxa iyagu markiiba soo faro galiyaan , arinkaasi oo ku xun dalka lagana yaabo in uu dhaawaco sumcada hay'adaha qaranka ee ay ka socdaan oo ay u muuqdaan muraad qumiyayaal qof gaar ah ama dhinac gaar ah .

Komishanka doorashooyinka qaranku waxa uu sameeyey dayac weyn barigii dhaweyd ee la kala xulayey murashaxiinta waxaana aanay shaqadoodii siiyeen hay'ado dawladeed oo aan sharciga meelna kaga jirin waxaana ay dhalisay foolxumooyin weyn iyo wax badan oo gef ahaa , sidoo kale waxaa xiligaasi cabashooyin ka jireen oo loo arkay in xeer ilaalintu tahay mid xukuumadu ku adeeganayso.

Markaa maanta ayey wax dhow yihiin intii hadhow dalka fowdo laga abuuri lahaa waa in arinkaasi loo dhug yeeshaa, hadii xukuumadu doonto in ay doorashada ku shubato ama xoog dawladnimo isticmaasho mucaaridoow maxaa ku naf ah , miyaad qaylini uun waliba maanta xataa qayladiina cidina idiinku damqan mayso sababta oo ah intaa dadka iyo dalkaba kaliftaan ayuun baa sidii aad falan tihiin haddana madaxtooyada wax la idiinka yeedhiyaa..

Dalka waxa dadweynaha jamhuuriyada Somaliland hore ugu dareereen todoba doorasho oo hore oo kala ahaa ;

31-May-2001 Aftidii dastuurka dalka

15-Dec-2002 Doorashadii goleyasha deegaanka iyo kala saaristii axsaabta iyo ururada siyaasadeed ee qaranka.

14-April-2003 doorashadii madaxtooyada

29-sept-2005 doorashadii golaha wakiilada

26-June-2010 doorashadii madaxtooyada

28-Nov-2012 doorashadii goleyaasha deegaanka iyo kala saaristii axsaabta iyo ururada siyaasadeed ee qaranka .

13-Nov-2017 doorashadii madaxtooyada ee ugu dambaysay.

Intaasi oo doorasho mid waliba xaalado u gaar ah iyo duruufo u gaar ah ayey lahayd oo lagu xasuustaa , maantana ma rabno in la yidhaahdo doorasho ayuun baa dhacday ee waxa aanu rabnaa doorasho xor iyo xalaal ah oo nadiif ah dadkana aan kala dilin ee noqota mid wadanka sumcad u soo hoysa.

Allahum ma balaqtum

Mohamed Abdi Jama
Muxamed Dhimbiil


 
 
 
Guryo Cusub Oo Laga Dhisay Magaalada BURCO Laguna Iibinaayo Qiimo Jaban"
Halkan Ka Daawo:Ex-Wasiir Galaal oo dood ka jeediyey qaddiyadda gooni isu taagga Somaliland & sharciga caalamka
Halkan Ka Daawo:Siyaasi Maxamud Jaamac Galaal Oo Ka Jawaabay Dhaliilo Ay Usoo Jeediyen Masuuliyin Ka Tirsan Xukuumada
Halkan Ka Daawo:Hees Cusub Oo Uu Sameeyey Abwaanka Caanka Ah Ee Abdimalik
Halkan Ka Daawo Beelaha Axmed Cali iyo Daahir Cali ee Adan Madoobe oo Kalsoonidi Kala Noqday Suldaan Barkhad Iyo Caaqilka Faahiye Xassan ee Adan Madoobe..
TOP 10 HOTELS IN SOMALILAND
Top 10 Hotels of Somalia
Halkan Ka Daawo: Barnaamijkeeni Aqoon Kororsi; Inako Maanta Diirada Ku Saarayna Tobanka Qof ee Aduunka Ugu Hantida Badan Sanadkan 2020
Halkan Ka Daawo Barnaamij Ku Saabsan 10Ka Dal ee Dunida Ugu Yar
Halkan Ka Daawo Barnaamijki Aqoon Kororsi 10 Dal ee Dunida Ugu Weyn Top 10
WAREYSIYO