Monday May 23rd, 2022
Dahabshiil
Telesom
Salaama Market
Youtube jobs

War-saxaafadeed. Madaxweyne Muuse Biixi Cabdi Iyo Taliyaha Ciidammada Maraykanka Ee Qaaradda Afrika (Africom) Oo Hargeysa Kaga Wada-Hadlay Iskaashiga Dhinaca Ammaanka.

0
Thursday May 12, 2022 - 14:52:59 in Wararka by Wariye Tiriko
  • Visits: 1030
  • (Rating 0.0/5 Stars) Total Votes: 0
  • 1 0
  • Share via Social Media

    War-saxaafadeed. Madaxweyne Muuse Biixi Cabdi Iyo Taliyaha Ciidammada Maraykanka Ee Qaaradda Afrika (Africom) Oo Hargeysa Kaga Wada-Hadlay Iskaashiga Dhinaca Ammaanka.

    War-saxaafadeed. Madaxweyne Muuse Biixi Cabdi Iyo Taliyaha Ciidammada Maraykanka Ee Qaaradda Afrika (Africom) Oo Hargeysa Kaga Wada-Hadlay Iskaashiga Dhinaca Ammaanka.

    Share on Twitter Share on facebook Share on Digg Share on Stumbleupon Share on Delicious Share on Google Plus

War-saxaafadeed. Madaxweyne Muuse Biixi Cabdi Iyo Taliyaha Ciidammada Maraykanka Ee Qaaradda Afrika (Africom) Oo Hargeysa Kaga Wada-Hadlay Iskaashiga Dhinaca Ammaanka.
Madaxweyne Muuse Biixi Cabdi ayaa maanta ku soo dhaweeyey Somaliland Jeneral Stephen Townsend, Taliyaha Taliska Ciidammada Maraykanka ee Afrika (AFRICOM), si wada-tashi looga sameeyo horumarinta danaha labada dhinac ee ammaanka Bariga Afrika. Jeneral Townsend, oo ah sarkaalkii ugu sarreeyey Ciidammada Maraykanka ee soo booqda Somaliland ilaa iyo 1991-kii, waxa ku wehelinayey booqashadiisa Safiirka Maraykanka, Larry André, iyo masuuliyiin kale oo ka tirsan Dawladda Maraykanka.


Waxaanu Madaxweynuhu uga mahadceliyey weftiga safarka ay ku yimaadeen Somaliland waxaanu u sheegay inay soo dhawaynayaan iskaashiga dhinacyada Amniga iyo Militriga ee labada dal ee Somaliland iyo Maraykanka. Intii uu socday kulanka labada dhinac ku dhex-maray Garoonka Diyaaradaha Caalamiga ah ee Cigaal ee magaalada Hargeysa, Madaxweyne Muuse Biixi Cabdi waxa uu xusay, "In booqashada Jeneral Stephen Townsend ay tahay tallaabo muhiim ah oo loo qaaday dhinaca adkaynta seeska iskaashiga ka dhexeeya Somaliland iyo Maraykanka, waxaanay ka turjumaysaa in bog cusub u furmay xidhiidhka labada dhinac. Ciidanka Ilaalada Xeebaha Somaliland waxa ay qayb laxaad leh ka qaataan ilaalinta marin-biyoodka muhiimka ah ee Badda Cas, taas oo ay faa’iido weyn ku qabaan dhammaan dalalka oo dhan. Iskaaashi iyo wada-shaqayn intan ka xoogan, kana weyn oo dhex-marta Somaliland iyo Taliska Ciidammada Maraykanka ee Afrika (AFRICOM) waxa uu kor u qaadi karaa nabad-gelyada iyo ammaanka biyaha Badda, waxaanu caawinayaa ganacsiga iyo kobcinta dhaqaalaha Bariga Afrika”.

Waxaana dhankooda si wada jira u soo dhaweeyey hadalka Madaxweynaha Jeneral Townsend iyo Safiirka Maraykanka, Larry André, iyagoo sheegay inay dhinacooda diyaar u yihiin iskaashiga dhinacyada Amniga iyo Militriga ee labada dhinac.    

Sidoo kale, intii weftigu booqashada ku joogeen Somaliland, Jeneral Stephen Townsend iyo Danjire Larry André waxa ay booqasho ku tageen Dekedda Berbera iyo Garoonka Diyaaradaha Caalamiga ah ee magaalada Berbera, kuwaas oo labadoodaba dhawaan dhisme ahaan la ballaadhiyey, lana casriyeeyey si kor loogu qaado tayada adeegga dhaqaalaha, arrimaha bini-aadannimada iyo baahiyaha amni ee Somaliland, dalalka ay saaxiibka yihiin iyo gobolka intaba. Booqashada Taliyaha Taliska Ciidammada Maraykanka ee Afrika (AFRICOM) waxa ay daba socotaa booqashadii taariikhiga ahayd ee Madaxweyne Muuse Biixi Cabdi ku tagay Maraykanka bishii March, 2022 iyo sahankii Taliska Ciidammada Maraykanka ee Afrika (AFRICOM) ay ku yimaadeen Berbera bishii August ee sannadkii hore.   

Kulankaa waxa Madaxweynaha ku wehelinaayey Wasiirrada Wasaaradaha Arrimaha Dibeda iyo Iskaashiga Caalamiga ah, Dr. Ciise Keyd Maxamuud, Arrimaha Gudaha Mudane Maxamed Kaahin Axmed, Gashaandhiga Mudane Cabdiqani Maxamuud Cateeye (Fariid), Taliyeyaasha Ciidamada Militeriga iyo Booliiska, Sareeye Gaas Nuux Ismaaciil Taani iyo sareeye Gaas Maxamed Aadan Saqadhi (Dabagale).

ALLAA MAHAD LEH 

 Naasir Yuusuf Daahir 
Agaasimaha Warbaahinta Madaxtooyada JSL.
Halkan Ka Daawo: Aniga dhibta laygu haysta dad hurda baan toosiyey weeyi ..' Ex Maayir Muraad
Halkan Ka Daawo:"Xaqiiqada QARSOON Ee Xaalada Abaared Ee Ka Jirta Gobolka Togdheer
Halkan Ka Daawo:Rajo Intee Leeg Ayaa Laga Qaba In Biyo Macaan Laga Hello RIIGA Deegaanka Shansha-Cade,
Guryo Cusub Oo Laga Dhisay Magaalada BURCO Laguna Iibinaayo Qiimo Jaban"
Halkan Ka Daawo:Ex-Wasiir Galaal oo dood ka jeediyey qaddiyadda gooni isu taagga Somaliland & sharciga caalamka
Halkan Ka Daawo:Siyaasi Maxamud Jaamac Galaal Oo Ka Jawaabay Dhaliilo Ay Usoo Jeediyen Masuuliyin Ka Tirsan Xukuumada
Halkan Ka Daawo:Hees Cusub Oo Uu Sameeyey Abwaanka Caanka Ah Ee Abdimalik
Halkan Ka Daawo Beelaha Axmed Cali iyo Daahir Cali ee Adan Madoobe oo Kalsoonidi Kala Noqday Suldaan Barkhad Iyo Caaqilka Faahiye Xassan ee Adan Madoobe..
TOP 10 HOTELS IN SOMALILAND
Top 10 Hotels of Somalia
WAREYSIYO