Saturday July 11th, 2020
Dahabshiil
Telesom
Salaama Market

Milicsiga Taariikhdii Sh Bashiir Ubadkii Taleexeed. 1905 - 1945

0
Wednesday June 12, 2019 - 07:30:51 in Maqaallo by Wariye Tiriko
  • Visits: 489
  • (Rating 0.0/5 Stars) Total Votes: 0
  • 0 0
  • Share via Social Media

    Milicsiga Taariikhdii Sh Bashiir Ubadkii Taleexeed. 1905 - 1945

    Milicsiga Taariikhdii Sh Bashiir Ubadkii Taleexeed. 1905 - 1945

    Share on Twitter Share on facebook Share on Digg Share on Stumbleupon Share on Delicious Share on Google Plus

Milicsiga Taariikhdii Sh Bashiir Ubadkii Taleexeed. 1905 - 1945
Waxaan la soconaa in Islaamku waqti aan yarayn ka soo talinayey dunida soona mareen caalamka dowlado badan oo Islaam ahi, uguna horreysey dowladii Nebiga (SCW),unuggeda lahaa iyadoo ugu dambayntiina 1300 sannadood dabadeed markii
dhiilkii xeer-dhaafka iyo falaadku buuxsamey ay taasi keentay is maaxdumin Ilaahayna gartay in laga awood bato oo ay taag-darreeyaan awoodihii islaamku. Waana tii ilaahay quraankiisu ku tilmaamay in loolanka Addunku jiri doono
maalinbana qolo loo gacan gelin doono iyadoo lagu eegayo bal sida ay ka yeelaan. " Wa tilkal Ayyaamu Nudaawiluhum Beyna Annaas.........." .
Arrinkaa waxaa ka dhashay in xulufooyinkii ka soo horjeedey islaamku ay ka faa’iideysteen dib u dhacaa ku yimi dowladii islaamka iyo guud ahaanba
bulshoweyntii muslimiinta,iyagoo bilaabay inay kala qaybsadaan dhaxalkii dowladii
bur-burtay.
Siday sooyaalyahannadu sheegayaan, hilaadddii, gugii 1884kii waxa ciirtay boqortooyoweyntii cismaaniyada ee in badan dhaqanka islaamka ku maamuli jirtey in badan oo adduunka ah. Taasi waxay horseed ka noqotay inay furmaan ama
bannaanaadaan waddooyin halaq mareen ihi. Waddooyinkaas halaq mareenka ah waxa ugu weynaa oo soo raacay qaar ka mid ah Abrisyadii kasoo gurguurtey qaaradda Yurub iyadoo Ingriisku degeshedey Somaliland oo uu maxmiyad ka
samaystay. Ololihii ugu weynaa ee dagaal waxa ku kiciyey oo dagaal dheer la galay 1899 hoggaamiyihii daraawiishta ee Mohamed Abdille Hassan. 1905 waxa daraawiishta iyo Ingiriisku kala saxeexdeen heshiis nabadeed oo jirey muddo 3
sannadood ah. Sannadkaas nabadda waxa ku dhashay degaanka caanka ah ee loo yaqaan Taleex wiil loo bixiyey Bashiir ama ( Maxammed Bashiir). Waxa dhalay Skeikhii diinta bari jirey ciidamadii daraawiisheed ee saldhigooda ugu weyni ahaa xaruntii taleex oo la odhan jirey Sheikh Yusuf Sheikh Xasan Fiqi Cabdilaahi Fiqi


Cismaan oo Ab ka Ab culimo-nimada ku abtirsanjirey,sida ka muuqata abtirsiimadiisa quruxda badan iyadoo ay soomaalida ku yar yihiin dad sidaas oo kale ahi.Waxaa kaloo aan marnaba la illaawi karin Sh Yuusuf inuu ka mid ahaa raggii
Sayidku soo dhaweysan jirey lana tashan jirey aqoontiisa diineedna aadka ugu kalsoonaa.Weliba Sh Yuusuf Alle haw naxariistee wuxuu ahaa gabayaa suugaan- yahan ah oo waxa uu doonayo iyo waxa uu diidayo intaba ku cabbiri jiri suugaantaa
Rabbi u fududeeyey.Anigoo tixraac iyo markhaati u yeelaya qoraalkayga aadna u rumaynsan in qoraalku ammaano igu yahay waxaad iga guddoontaan tixdan gabayga ah ee inoo iftiiminaysa murti-maalnimadii shiikha. Wuxuu ka gabyayaa xarafka (( WEEYE)) oo aan isaga hortii soomaaliyi ka gabyin ilaa Sayidkii ku yidhi: Xaraf kasta oo Af Soomaali ah waan ka gabyey ee weeye sidaad ku heshay Sh
Yuusufoow.Gabaygu wuxuu ku bilaabmayaa sidan soo socota:

Wixii Toban-Jirkii igaga tegey Inaan tebaa weeye.
Inaan toobadkeenoo naftana Tiir ku xidho weeye.
Kutubaha Ilaahay inaan tacallimaa weeye.
Tawxiidka oo idil inaan tafa-tiraa weeye.
Inaan tolo-log daayoo wuxuun taransadaa weeye.
Toociga saraareed inaan col u tagaa weeye.
Nimankii talaan buuxsanaa inaan tumaa weeye.
Akhriste,gabaygu wuu dheer yahay,gabayo kalena way jiraan ee bal qeybta hore
intaa aynu ku nasanno.
La soco qaybta 2aad.
Abdimajid
Halkan Ka Daawo Barnaamij Ku Saabsan 10Ka Dal ee Dunida Ugu Yar
Halkan Ka Daawo Barnaamijki Aqoon Kororsi 10 Dal ee Dunida Ugu Weyn Top 10
Halkan Ka Daawo:Barnaamijka Ciida iyo Fanaan Qaasim Macruuf
DAAWO: Beesha Sanbuur Bari Oo Waayelkeda Waxgaradkeda Iyo Guurtidu Si Adag Uga Hadlaya Nin Beeshaas Kasoo Jeeday Oo Ceelafweyn Lagu Dillay Iyaga oo Sheegay Inay U Fadhiyan In La Keeno Gacan Ku Dhiig Lihii
Barnaamijka Qaasin Macruuf Iyo Qisooyinka Heesaha
Halkan Ka Daawo: FULL BARNAAMIJ Dabaaldega Ciidanka Melateriga Ee Ku Sugan Gobolka Togdheer Oo Si Cajiiba Usoo Bandhigay Awoodooda Ciidan.
DAAWO: ABWAAN AADAN DIGAALE OO GABAYO CAJIIB AH RIRIYAY KUWAAS OO ISUGU JIRA NABADA JACAYLKA IYO ARIMO KALE WARAYSI DHEER OO LALA YEESHAY
Halkan Ka Daawo:Barnaamijka Waxqabadka Gudida Qandaraasyada Qaranka Somaliland 2019.
FULL BARNAAMIJ: CALEEMA SAARKII CAAQIL MAXAMED CAAQIL CABDI ISMAIL OO KA DHACAY DEGAANKA LAASDOOMARE EE GALBEEDKA GOBALKA SANAAG
FULL BARNAAMIJ : SOO DHAWEYNTII XAFLADII BILAYD IYO HADAL JEEDINTII JAALIYADA IYO SIYAASI MAXAMUUD XAASHI MUNAASIBADII SOO DHAWEYNTA EE LONDON EE MUSHARAX KULMIYE M X C
WAREYSIYO