Wednesday August 12th, 2020
Dahabshiil
Telesom
Salaama Market
Youtube jobs

MAANSADA: MAXAAN DIIDAYAA TABAN? ABWAAN MAXAMED SHUKRI JAAMAC

0
Monday July 06, 2020 - 08:28:03 in Maqaallo by Wariye Tiriko
  • Visits: 265
  • (Rating 0.0/5 Stars) Total Votes: 0
  • 0 0
  • Share via Social Media

    MAANSADA: MAXAAN DIIDAYAA TABAN? ABWAAN MAXAMED SHUKRI JAAMAC

    MAANSADA: MAXAAN DIIDAYAA TABAN? ABWAAN MAXAMED SHUKRI JAAMAC

    Share on Twitter Share on facebook Share on Digg Share on Stumbleupon Share on Delicious Share on Google Plus

MAANSADA: MAXAAN DIIDAYAA TABAN? ABWAAN MAXAMED SHUKRI JAAMAC

Waxaan diidayaa taban

Hogaan aan dariiq sugan

Daw cadaana oo dhilan

Dadku wada ogsoonyiin

Dambas weyne lagu hubin,

Hogaan aan duqeytida

Daan ciroole soo jirey

Dalyaqaanka beeshiyo

Dood yaqaanka aan xilin

Darmo aan u fidinoo

Daris aan ka weeleyn.


Waxaan diidayaa taban

Hogaan dooran keligii

Garashaba dareenkiyo

Intuu daawan karo tahay

Isku daabni haystoo

Cidba aan dan ka lahayn.



Waxaan diidayaa taban

Hogaan dee nin doortiyo

Ninkii diiday kala gura

Dadka uu xukumayaa

Badhna daabac uu yahay

Iska daadax socodoo

Dixda aan hormo u gelin

Sida nugul diraaceed

Darka qaranka kaba fulin ,

Durna qaar yihiinoo

Siduu yidhi ma daalii

Diriceeni dheelmaday

Duqii Gaariyee tegey

Rabbi darajo sare iyo

Janno hawgu deeqee

"Degta qaran badh lagu sido

Badhna reerka soo degey

Yahay reerka daba yaal”,

Waxaan diidayaa taban

Hogaan aan dan ka lahayn

Daba guranka qarankiyo

Dildilaanka beelaha,

Waxaan diidayaa taban

Hogaan aan dan ka lahayn

Ubaxii dalkiisoo

Doog dhabasho aan jirin

Daasad looga tumay Xamar,

Waxaan diidayaa taban

Hogaan aan dan ka lahayn

Dacwad tabasho ruux qaba

Debec lagu dhegeystiyo

Dawadii garsoor tahay,


Isku soo dabaaloo

Waxaan diidayaa taban

Hogaan aan dan ka lahayn

Dalacaadu iney tahay

Kasbashada dadkiisiyo

Duub hiishu xagatiyo

Duhur iyo boqool iyo

Dayax lagu iftiinsado

Dabasocodka raadkoo

Danta qaranka loo dhaxo.


Waxaan diidayaa taban

Dal mucaaradkiisii

Dawankiyo caroogii

Haday debecdo qaansadu

Diiranaan ku werinlaa

Inuu gaabshey diricii

Loo doortay geediga

Doorka maanta hagilaa

Bulshadana dareenkii

U digaayey noqonlaa,


Waa doonis iinlee

Dal mucaaradkiisii

Xilkii uu dadweynuu

Darajada ku siinlaa

Daraahiim ku iibsaday,

Marka midigta loo dabo

Iska dabac muxaafida (dhaqan)

Marka lagala daahana

Soo kiciya duufaan,


Waxaan diidayaa taban

Dal mucaaradkiisii

Ka shib yidhi dabaylaha

Dadka ruxaya maalmahan,

Waxaan diidayaa taban

Dal mucaaradkiisii

Inuu Dahabo guursado

Dadabtana usoo galo

Ka dumaalo saxardiid

Ka dacwadhay hankiisii,


Dal mucaaradkiisii

Dambas iila eeg yahay

Dal mucaaradkiisii

Dookhiisu lacag yahay,

Dannibaana igu jira

Duqa iney la xidideen

La ogyiin wax diimoon

Ka qarsoon dadweynaha,


Isku soo dabaaloo

Waxa aanan uba dudin

Diiqad iyo u gelin buuq

Nabarkaa la dedayaa

Wuu dilaaci doonaa

Duhurbuu gambada furan

Dambarkiisa wax dhami

Ninka daahay milikaa.


Waxan diidayaa taban

Shacab yahaw dan seegi’i

Shacab yahaw dayeysani

Sodon sano ka dabadood

Weli dayrku xanan yahay

Duddadiisu fagan tahay

Dookhiisu hebel yahay

Reer hebelna diin yahay

Dadka kale ka mudanoo

Nin danqaabay meyd yahay

La dilaa banaan tahay,

Daleed lagaga hoydee

Ka hadhgalay darwiishkii

Dunta boqorka loo sudhay

Iyo kii dumaashiyo

Doorka xiga u feeydnaa,

Isku daahayee jabay

Isku daalayee lumay

Intii aad dagaalada

Deriskaa ku foogneyd

Mid sidaada dulugle ah

Isba aan daryeel qabin

Dacdarraanta kula qaba

Ma ogtahay dareen jira

Daadka soo rogmanayee

Deyrba aanu kaa xigin

Duulimaadka soo maqan

Raba inaad daluuntii

Godki Daado lagu cunay

Iyo curadki Doolaal

Dadqaladu ka badanyiin

Orgobkii darraatoo

Meel aan daymadaadiyo

Dareenkaagu hadi Karin

Lagaa daawanaayoo

Diirad meel shishe ah taal

Ku dul sudhantay ma ogtahay,


Hadaan duurxulkaygani

Daahir aanu kuu noqon

Diirka aan ka qaadoo

Dusha sare ka qolof rido,

Doobka seexdayow maqal

Dar Allee dhegaa furo

Dulmarow warbaa jira

Dulucdiisu ay tahay

Dusha oo lagaa raro

Dabar lagugu foofsado

Doc madaw habeenkii

Isla duubto macaluul

Halka deylo daaqdana

Duul kale lasoo furo,

Dooni aanad garaneyn

Dadka saaran ee ullan

Dekedaada lagu xidho

Adna daawashiyo yaab

Didmo aad ku dhawrtaa

Dadkan lagugu soo raray.


Daakiraada subixii

Daaman hilibki ka engegey

Duud xagan la toostoo

Dibno ciil lasoo kogay

Duco nuxur la,aaneed

Gacmo daaley fidisoo

Daa,inow tidhaahdaa.


Waxaan dooda kaga tegey

Waar hooy dadkaygoow

Haday taladu daw tahay

Dooyo nabada faalada

Damal lagu gorfeeyiyo

Debec aynu haynaa

Laysla doonan karayaa

Waxaad adigu doontiyo

Waxa aniga ii daran.






Maxamed Shukri Jaamac

Hargeysa/Somaliland

 

 

 

 


Top 10 Hotels of Somalia
Halkan Ka Daawo: Barnaamijkeeni Aqoon Kororsi; Inako Maanta Diirada Ku Saarayna Tobanka Qof ee Aduunka Ugu Hantida Badan Sanadkan 2020
Halkan Ka Daawo Barnaamij Ku Saabsan 10Ka Dal ee Dunida Ugu Yar
Halkan Ka Daawo Barnaamijki Aqoon Kororsi 10 Dal ee Dunida Ugu Weyn Top 10
Halkan Ka Daawo:Barnaamijka Ciida iyo Fanaan Qaasim Macruuf
DAAWO: Beesha Sanbuur Bari Oo Waayelkeda Waxgaradkeda Iyo Guurtidu Si Adag Uga Hadlaya Nin Beeshaas Kasoo Jeeday Oo Ceelafweyn Lagu Dillay Iyaga oo Sheegay Inay U Fadhiyan In La Keeno Gacan Ku Dhiig Lihii
Barnaamijka Qaasin Macruuf Iyo Qisooyinka Heesaha
Halkan Ka Daawo: FULL BARNAAMIJ Dabaaldega Ciidanka Melateriga Ee Ku Sugan Gobolka Togdheer Oo Si Cajiiba Usoo Bandhigay Awoodooda Ciidan.
DAAWO: ABWAAN AADAN DIGAALE OO GABAYO CAJIIB AH RIRIYAY KUWAAS OO ISUGU JIRA NABADA JACAYLKA IYO ARIMO KALE WARAYSI DHEER OO LALA YEESHAY
Halkan Ka Daawo:Barnaamijka Waxqabadka Gudida Qandaraasyada Qaranka Somaliland 2019.
WAREYSIYO