Wednesday August 12th, 2020
Dahabshiil
Telesom
Salaama Market
Youtube jobs

Somaliland Taiwan Waxay Ka Doorbiday Saaxiibadii Dhalanteedka Ahaa: W/Q C/raxmaan Cadami

0
Friday July 10, 2020 - 10:19:16 in Maqaallo by Wariye Khaliil Barre
  • Visits: 158
  • (Rating 0.0/5 Stars) Total Votes: 0
  • 0 0
  • Share via Social Media

    Somaliland Taiwan Waxay Ka Doorbiday Saaxiibadii Dhalanteedka Ahaa: W/Q C/raxmaan Cadami

    Somaliland Taiwan Waxay Ka Doorbiday Saaxiibadii Dhalanteedka Ahaa: W/Q C/raxmaan Cadami

    Share on Twitter Share on facebook Share on Digg Share on Stumbleupon Share on Delicious Share on Google Plus

Somaliland Taiwan Waxay Ka Doorbiday Saaxiibadii Dhalanteedka Ahaa: W/Q C/raxmaan Cadami

Jamhuuriyadda Somaliland 29 sannadood waxay dalalka reer Galbeedka, dawladaha Carabta iyo waddamada jaarka ka quuddaraynaysay in ay ka hesho aqoonsi buuxa ama xattaa mid dadban (de facto state). Madaxda iyo siyaasiyiinta Somaliland iskumay taxluujin jirin in ay xidhiidho la sameeyaan Beesha Caalamka inteeda kale oo laga heli kari lahaa dalal badan oo u diyaar ah xidhiidhka iyo saaxiibtinimada JSL.

Waxaynu qaadanay nidaamka dawladnimo iyo mabaadiida reer Galbeedka, waxaynu la ilaalinaa danaha ay ka leeyihiin gobolka, Somaliland sax iyo qalad ba waxay ku taageerta hadba waxay rabaan iyo hadba sida ay ula dhaqmayaan Dunida inteeda kale; Somaliland waxay dhankeeda isku xilqaantay in ay ka qayb qaadato la dagaallanka argagixisada caalamiga ah iyo budhcad badeedda.

Somaliland waxay xushmaysaa kuna dhaqantaa dhammaan xeerarka caalamiga ah hase ahaatee waxba kamay dheefin waxna kumay kasban.

Somaliland waxay u dhego nugushahay codsiyada iyo rabitaanka dalalka Carabta siiba kuwa khaliijka, dalalka ku loollamaya awoodda iyo amar ku taaglaynta Bariga Dhexe, xukuumadda Somaliland waxay la safatay isbahaysiga Sucuudiga, dawladda Imaaraadka gaar ahaan waxa loo hibeeyay dekedda Berbera, waxa loo ogolaaday Saldhig Militari iyagu se waxay ka gaabsadeen taageeridda qaddiyadda madaxbanaanida Jamhuuriyadda Somaliland.

Siyaasadda Arrimaha Dibadda waxa saldhig u ah in colaadihii iyo jaar xumadii Jamhuuriyaddii Soomaaliya lagu bedelo nabad iyo in horumarka la iska kaashado oo laga hadho sheegashadii Jamhuuriyadda Jabuuti iyo qaybo ka mid ah Kenya & Itoobiya sida ku cad Distoorka Jamhuuriyadda Somaliland si dalalka Geesku uga soo kabtaan dib u dhicii iyo kala qoqobnaantii waana aragti iyo hal abuur Somaliland curisay hase ahaatee maanta waxa sheeganaya ra’isal wasaaraha Itoobiya Dr Abiy Ahmed oo aragti cusub uga dhigaya Beesha Caalamka.

Somaliland waxay dalalka jaarka ah si hagar la’aan ah uga caawisa in laga hor tago falalka argagixisada ee laga fulin lahaa dhulkooda, hase ahaatee may garwaaqsan qiimaha jiritaanka iyo xasilloonida JSL ugu fadhido amniga dalalkooda, balse qaarkood waxay gacan saar la leeyihiin cadowga Somaliland.

Kama soo horjeedo in xidhiidh wanaagsan lala yeesho dalalka kor ku xusan haddiise ay albaabada ka xidheen Somaliland waxay xaq u leedahay in ay garaacdo albaabo kale sida Ruushka, Hindiya, Iiraan, Israa’iil, Waqooyiga Kuuriya iyo qaar kale oo badan.

Waxa hubaal ah in qaarkood soo dhawayn doonaan xidhiidhka JSL. Si kastaba ha ahaateen madaxweynaha JSL iyo xukumaddiisa waxaan ku bogaadinaya ugu dambeyn in ay fahmeen saaxiibtinimada dhalanteedka ah ee dawladaha reer Galbeedka, Carabta iyo kuwa gobolka, waxaan hambalyaynaya majaraha cusub ee siyaasadda arrimaha dibadda iyo baadi goobka saaxiibo la isku hallayn karo.

Somaliland jawaabtii u horaysay waxay ka heshay dalkaTAIWAN; lama aqoonsana waa se dal yar oo hodan ah, waa dalka 7-aad ee ugu dhaqaalaha badan qaaradda Eeshiya, waana dalka 20-aad Dunida oo dhan, sidaas daraadeed xaggooda aqoonsi la’aanta Beesha Caalamku muhiim uma aha.

Akhrista bal u fiirso qodobada heshiiska labada dal:Iskaashiga siyaasadda, dhaqaalaha, ganacsiga, caafimaadka, dhismaha kaabeyaasha iyo wixii la mid ah.

Haddaba sida labada xukuumadood ka go’an haddii heshiiskani hirgalo Somaliland-na uga faa’iidaysato sida ugu haboon waxaan u malaynaya Somaliland in ay noqon karto waddanka ugu hodansan Geeska Afrika oo lagu soo hiran doono.

La soco qaybta dambe………

Waxa Qoray Cabdiraxmaan Cadami

E:[email protected]


Top 10 Hotels of Somalia
Halkan Ka Daawo: Barnaamijkeeni Aqoon Kororsi; Inako Maanta Diirada Ku Saarayna Tobanka Qof ee Aduunka Ugu Hantida Badan Sanadkan 2020
Halkan Ka Daawo Barnaamij Ku Saabsan 10Ka Dal ee Dunida Ugu Yar
Halkan Ka Daawo Barnaamijki Aqoon Kororsi 10 Dal ee Dunida Ugu Weyn Top 10
Halkan Ka Daawo:Barnaamijka Ciida iyo Fanaan Qaasim Macruuf
DAAWO: Beesha Sanbuur Bari Oo Waayelkeda Waxgaradkeda Iyo Guurtidu Si Adag Uga Hadlaya Nin Beeshaas Kasoo Jeeday Oo Ceelafweyn Lagu Dillay Iyaga oo Sheegay Inay U Fadhiyan In La Keeno Gacan Ku Dhiig Lihii
Barnaamijka Qaasin Macruuf Iyo Qisooyinka Heesaha
Halkan Ka Daawo: FULL BARNAAMIJ Dabaaldega Ciidanka Melateriga Ee Ku Sugan Gobolka Togdheer Oo Si Cajiiba Usoo Bandhigay Awoodooda Ciidan.
DAAWO: ABWAAN AADAN DIGAALE OO GABAYO CAJIIB AH RIRIYAY KUWAAS OO ISUGU JIRA NABADA JACAYLKA IYO ARIMO KALE WARAYSI DHEER OO LALA YEESHAY
Halkan Ka Daawo:Barnaamijka Waxqabadka Gudida Qandaraasyada Qaranka Somaliland 2019.
WAREYSIYO